Monthly Archives: September 2013

هل ديرتنا ماركة أصلية ؟ Is Kuwait Branded ?

معنى برانديد أو أصلي ؟هي كل شيء يميز منتج أو سلعة أو خدمة عن غيره. أو بمعنى أخر تتميز بشكل مميزًا من الشكل والإضاءات والكلمات والحروف والأرقام والرسوم والرموز يعني تنعرف بشكلها أو إسمها. يعني مثلاً أول ما نقول دبي يطري في بالك على طول برج خليفة برج العرب النخلة سوق نايف..الخ وإذا قلنا لندن على طول يطري على بالك برج بيج بين أو باص لندن أو تاكسي لندن ..الخ
وإللحين إذا قلنا عندنا بالكويت في شي يميزنا عن غيرنا ولا لأ شنو بنقول ؟ أكيد تبون تعرفون ؟

أوكي … يالا خلونا نبدي نقارن عندنا وعندهم ؟

عندهم برج البيج بين و محطة التلفونات ؟

 
LondonTele

وعندنا برج الساعة اللي فوق قصر السِّيف وهو قصر الحكم في الكويت، بني القصر عام 1904 في عهد الشيخ مبارك الكبير. وتم تطوير القصر في عهد الشيخ عبد الله السالم الصباح في عام 1961، وقد أخذ بناء قصر السيف الطابع المعماري الإسلامي نظرا لاستخدام الأقواس والزخارف الإسلامية، إضافة إلى لمسات من التراث الكويتي القديم، وقد استخدمت في بنائه المواد الأولية البسيطة من الطين وحجر البحر والأخشاب والمعادن. ويعتبر القصر الآن المقر الرسمي للأمير وولي العهد ومجلس الوزراء.‏ جاءت تسمية القصر بالسيف نسبة إلى قربه للبحر أو السيف ‏ لهذا أخذ التسمية الملاصقة للبحر وكلمة السيف معناها ساحل البحر.‏

Lowdamat

وعندهم الحراس

LondonGuards

وعندنا الحرس بس مع الأسف تغري لبسهم
Kuwaitguards

ونشوف عندهم الباصات لون واحد ومحافظين على تراثهم من القدم نفس نوعية الباص والتاكسي وراح انزل موضوع خاص عن باصات لندن وتاكسي لندن ونلاحظ الخيالة والشرطة تجوب في شوارع لندن بلبسهم وخيالتهم

London

ونشوف أيضًا عندنا الخيالة بس لا نراهم دائمًا في الأسواق والشوارع دائمًا
khalah

ونشوف أيضًا عندهم صندوق البريد المقدس واللي يعيش في بريطانيا لا يمكن أن يستغني عن البريد أبدًا أبدًا وراح انزل موضوع خاص فيه والفرق بين بريدنا وبريدهم !

PostOffice

بس نقدر انقول احنا عندنا شي يميزنا عن غيرهم واهو ماي السبيل المميز بإبداع شخص كويتي شكل وميزلنا ماء السبيل الكويتي عن غيره

Sebel

ونقدر انقول عندنا أشياء كثيره تميزنا عن غيرنا مثل أبراج الكويت وبرج التحرير والأبراج والمجمعات والأسواق الشعبية المحافظة مثل سوق المباركية غير موسم البر والمخيمات و موسم البحر والشاليهات…الخ من الفعاليات والأشياء اللي تميزنا عن غيرها وبالنهاية مالنا إلا انقول خلونا انحافظ على تراثنا ونزود عليه التكنولوجيا والتطوير بدراسة وتأني وخلونا دايمًا متميزين عن غيرنا مثل التكسي البرتقالي والباصات الصفر..الخ

KuwaitTower liberationTower KuwaitTint